բացատրել ըմբոստ, գալարվել, գաղջ, պատուտակ, ճգնել, անհագ , պատվանդան, ոստ, մրմնջալ
ըմբոստ-Դիմադարձություն անող, հանդուգն, հակառակող, չլսող, անհնազանդ: գալարվել-Ոլորվել, պտույտներ գործել:
գաղջ-Գոլ, մի քիչ տաք, տաքի ու սառի միջին ջերմություն ունեցող: պատուտակ-Պատատուկ.
ճգնել– Ուժերի լարումով աշխատել, ճիգ՝ ջանք թափել:
անհագ– Չհագեցող, չկշտացող, անկուշտ:
պատվանդան-Վրան արձան՝ անդրի՝ անոթ ևն դնելու գեղարվեստական ձևավորումով հենարան: ոստ-Ծառի՝ թփի բարակ ճյուղ, շիվ: մրմնջալ-Մեղմ ձայնով խոսել՝ մի բան ասել:
ինչպիսի հասարակություն է նկարագրված առաջին հատվածում — նշիր նմանություններ և տարբերություններ քո շրջապատի հետ:
Հասարակությունը քննադատող էր, նրանք անընդհատ խառնվում էին ուրիշի կյանքին, իմ շրջապատը այդպիսին չէ, ես չեմ նկատել որ ինչ որ մեկը քննադատի մյուսին:
ի՞նչ գծված սահմանի մասին է խոսքը, բեր օրինակներ:
Մարդիկ այնքան տարբեր են, նրանցից մեկը հարուստ է, մյուսը հպարտ, մյուսն էլ հաջողակ։ Ինձ թվում է, որ այդ գծված սահմանը հենց այդ մարդկանց խավերի տարբերությունն է մատնորոշում։
ի՞նչ է խորհրդանշում քամին, կայծակը, որոտը, արևի լույսը:
Մարդիկ կյանքում շատ դժվարություններ են հաղթահարում, նույնիսկ չհասկանալով, որ դրանք դժվարություններ էին։ Դժվարություն կարող է լինել ուրախանալը, տխրելը, կամ պարզապես մի զգացմունք զգալն, արտահայտելը․․․Ինձ թվում է հենց այս դժվարություններ են, որ քամու ու կայծակի նման մեր դեմն են ելնում և մեր կյանքի ճանապարհը հետաքրքրացնում բարդույթներով։
ու՞ր էր ձգտում հասնել Ըմբոստը. մեղադրու՞մ ես նրան, թե արդարացնում, ինչու՞:
Նա երազում էր հասնել սարերին, ինչն իմ կարծիքով հասարակ սարերի մասին չէր, այլ կյանքի բարձրությունների։ Ըմբոստն ինձ համար արդար է, քանի որ բոլորս էլ մեր կյանքում գոնե մի պահ ցանկանում ենք բոլորին նայել վերևից, զգալ վերին ուժը և ապրել երջանիկ՝ բոլորից բարձր։
կա՞ մի բարձր տեղ, ուր դու ես ձգտում հասնել, ինչպե՞ս ես հաղթահարում այդ բարձրությունը (ստեղծագործական աշխատանք):
Մանյա Ոսկանյան 